دو ہفتوں سے اسرائیلی فوج کے زیر محاصرہ غزہ کے جبالیہ کیمپ کی کیا اہمیت ہے؟

اسرائیلی فوج نے 2 ہفتوں سے جبالیہ کیمپ کا محاصرہ کیا ہوا ہے؟ جبالیہ کیمپ  کیا ہے اور یہ اسرائیلی افواج کے ذریعہ کس طرح نشانہ بنایا گیا ہے؟ اس حوالے سے عرب ٹی وی نے تفصیلات جاری کردی ہیں۔

جبالیہ میں اسرائیلی فوج کی بمباری سے 15 فلسطینی شہید ہوئے۔ اِن میں جبالیہ پناہ گزین کیمپ میں بمباری سے 3 اور العودہ اسپتال کے پاس بمباری سے شہید ہونے والے 2 فلسطینی شامل ہیں۔ غزہ سٹی کے النُصرہ محلے میں اسرائیلی فوج کے ڈرون حملے میں 4 فلسطینی شہید ہوئے۔

عرب ٹی وی کا کہنا ہے کہ جبالیہ پناہ گزین کیمپ 1948 میں فلسطینیوں کو ٹھہرانے کے لیے قائم کیا گیا تھا جو نکبہ، یعنی 1948 میں فلسطین کی نسل کشی کے بعد بے گھر ہو گئے تھے۔

یحییٰ سنوار نے آخری لمحات میں دنیا کو نیتن یاہو کی ناکامی کی تصویر دکھا دی

برغوثی نے الجزیرہ کو بتایا کہ یحییٰ سنوار رفح میں اسرائیلی فوج سے لڑ رہے تھے، سنوار نے نہ صرف اپنے بارے میں، بلکہ مجموعی طور پر حالات کے بارے میں اسرائیلی پروپیگنڈے کو غلط ثابت کیا۔

اسرائيل نے 14 مئی 1948 کو اپنی آزادی کا اعلان کیا تھا جس کے اگلے ہی روز 15 ماہ تک جاری رہنے والی عرب اسرائیل جنگ کا آغاز ہوا تھا جس کے دوران ساڑھے 7 لاکھ سے زیادہ فلسطینی اپنا گھر بار چھوڑنے پر مجبور ہوگئے اور انھیں ان کے گھروں سے بے دخل کر دیا گیا۔

جبالیہ کیمپ شمالی غزہ میں واقع ہے اور اس کا نام بھی ایک قریبی گاؤں کے نام پر رکھا گیا ہے، یہ غزہ کی پٹی کا سب سے زیادہ آبادی والا پناہ گزین کیمپ تھا اور یہاں اقوام متحدہ کی ریلیف ایجنسی انروا (UNRWA) کے زیر انتظام 26  اسکول بھی موجود ہیں۔

غزہ پر اسرائیل کی جنگ کے ابتدائی چند ہفتوں میں اسے اسرائیلی افواج کے ذریعے کئی بار نشانہ بنایا گیا، بشمول ایک اسکول پر حملہ جہاں ہزاروں بے گھر فلسطینی پناہ لیے ہوئے تھے۔

غزہ کی وزارت صحت نے کہا کہ اس حملے میں 50 سے زائد افراد شہید ہوئے، اور 150 زخمی ہوئے ہیں۔

بمباری کے دوران مسکراتے بچے کی یحییٰ سنوار کے ساتھ تصاویر سامنے آگئیں

رمضان محمود نے اپنے پیغام میں لکھا کہ ’’

اسرائیلی فوج نے کہا کہ یہ حملہ حماس کے جنگجوؤں کو نشانہ بنانے کے لیے کیا گیا تھا اور دعویٰ کیا کہ کیمپ کے نیچے "وسیع زیر زمین سرنگ کے کمپلیکس" میں درجنوں لوگ شہید ہوئے۔

دسمبر میں کیمپ پر ہونے والے ایک اسرائیلی حملے میں کم از کم 90 فلسطینی شہید ہوئے، جس کے نتیجے میں کیمپ تباہ ہو گیا۔

فروری 2024 کے اوائل میں اسرائیلی افواج نے شمالی غزہ کے حصوں سے واپسی اختیار کی اور دعویٰ کیا کہ انہوں نے شمالی علاقوں میں حماس کو لڑائی کی طاقت کے طور پر ختم کر دیا ہے، تاہم مئی میں اسرائیلی افواج شمالی غزہ میں دوبارہ داخل ہوئیں اور جبالیہ پر دوبارہ حملے شروع کیے۔

جبالیہ کیمپ اس وقت اسرائیلی فوج کے محاصرے میں ہے جسے دو ہفتے ہوچکے ہیں، غزہ کے شمالی حصے میں اس وقت انٹرنیٹ کی بندش کے باعث مواصلاتی رابطے منقطع ہیں۔

خیال رہے کہ  غزہ میں 7 اکتوبر 2023 سے جاری اسرائیلی حملوں میں اب تک کم از کم 42,500 افراد شہید اور 99,546 زخمی ہو چکے ہیں۔

7 اکتوبر 2023 کو حماس کے اسرائیل پر حملوں میں کم از کم 1,139 افراد ہلاک ہوئے اور 200 سے زائد افراد کو یرغمال بنایا گیا۔