فرمان الہی
نماز کے اوقات
سابق وزیراعظم اور پیپلز پارٹی کے سینئر رہنما راجا پرویز اشرف نے کہا ہے کہ دنیا بدل رہی ہے، بھارتی حکومت بھی اپنا رویہ بدلے۔
لاہور سے جاری بیان میں راجا پرویز اشرف نے کہا کہ بھارت کرکٹ کو کرکٹ رہنے دے، پاک بھارت جنگ نہ بنائے۔
انہوں نے کہا کہ انٹرنیشنل کرکٹ کونسل (آئی سی سی ) چیمپئنز ٹرافی کو کسی کی بھی ضد یا انا کی بھینٹ نہ چڑھایا جائے۔
راجا پرویز اشرف نے مزید کہا کہ دنیا بدل رہی ہے، بھارتی حکومت بھی اپنے رویے بدلے، کرکٹ کو سیاسی آلودگی سے بچانے کےلیے پاک بھارت قیادت آگے آئے۔
ان کا کہنا تھا کہ بھارتی کرکٹرز بھی پاکستان آنا چاہتے ہیں مگر اپنی حکومت کے سامنے بے بس ہیں، بھارتی حکومت اپنی کرکٹ ٹیم بھیج کر دنیا اور کرکٹ ورلڈ کو مثبت پیغام دے۔
پی پی رہنما نے یہ بھی کہا کہ ایس سی او کانفرنس میں بھارتی وزیرخارجہ کی شرکت کی اسپرٹ کو آگے بڑھایا جائے۔
