فرمان الہی
نماز کے اوقات
وزیراعلیٰ خیبر پختونخوا علی امین گنڈاپور کا کہنا ہے کہ جب مذاکرات کیلئے کمیٹی بنی ہے تو لگتا ہے وہ مسائل کا حل چاہتے ہیں، میں بیک ڈور والا نہیں، کھلی کتاب ہوں۔
حکومت اور اپوزیشن کی مذاکراتی کمیٹی کے اجلاس کے بعد صحافیوں سے گفتگو کرتے ہوئے علی امین گنڈاپور نے کہا کہ ہمارے کارکنان نے جمہوریت کیلئے خون بہایا، حقیقی آزادی کیلئے شہید ہوئے۔
علی امین گنڈاپور نے کہا کہ اچھی بات ہے کہ 9 مئی کے ملزمان کو رہا کیا گیا، بیٹھ کر جمہوری طریقے سے معاملات کو حل کرنا چاہیے، مذاکرات بانی پی ٹی آئی کے حکم پر شروع ہوئے ہیں، مذاکرات کیسے کرنے ہیں بانی پی ٹی آئی ہی فیصلہ کریں گے۔
وزیر اعلیٰ کے پی نے کہا کہ کرم کے واقعات آج کے نہیں 50 سال سے چلے آ رہے ہیں، کرم کے معاملات کو خوش اسلوبی سے حل کیا ہے۔
