فرمان الہی
نماز کے اوقات
سیف علی خان پر حملے کے بعد انکی پڑوسن اداکارہ کرشمہ تنا نے چونکا دینے والے انکشافات کردیے اور سیکیورٹی پر سوالات بھی اٹھادیے۔
خیال رہے کہ گزشتہ رات ممبئی میں سیف علی خان کے گھر میں ایک چور گھس آیا جس نے چوری کی واردات کی کوشش کی۔
بالی ووڈ اسٹار نے اسے روکنے کی کوشش کی تو چور نے چاقو سے ان پر حملہ کردیا، اس شخص نے سیف پر کم از کم 6 مرتبہ وار کیے۔
زخمی سیف علی خان کو ان کے بیٹے ابراہیم علی خان نے رکشہ میں اسپتال منتقل کیا جہاں ان کا علاج کیا گیا۔ سیف کی حالت اب خطرے سے باہر بتائی جارہی ہے۔
واقعے کے بعد سیف علی خان کی پڑوسن معروف اداکارہ کرشمہ تنا کا چونکا دینے والا بیان سامنے آگیا۔
بھارتی میڈیا سے گفتگو میں کرشمہ تنا نے اس واقعے کو خوفناک قرار دیتے ہوئے اس علاقے کی سیکیورٹی کو بڑھانے کا مطالبہ بھی دہرایا۔
انکا کہنا تھا کہ ’جب میں آپ سے بات کر رہی ہوں، اس موقع پر باہر عجیب و غریب منظر ہے، عمارت کے نیچے بہت سارے پولیس والے اور میڈیا موجود ہے۔‘
انکا کہنا تھا کہ ’یہ واقعہ باندرا کی بہت سی عمارتوں کےلیے ایک وارننگ ہے، میں پچھلے ایک سال یا اس سے زیادہ عرصے سے اپنی کوآپریٹو ہاؤسنگ سوسائٹی کے لوگوں سے کہہ رہی ہوں کہ سیکیورٹی بڑھائیں۔‘
کرشمہ نے کہا کہ ’میرے خیال میں چوکیداروں کو مناسب تربیت دینی چاہیے۔ وہ ایسے واقعات کے دوران قابل اعتماد نہیں ہوتے۔ اگر کوئی چور آپ کی بلڈنگ میں گھس جائے تو چوکیدار اسے سنبھالنے کے قابل نہیں ہیں۔ ایسے حالات میں ایک فیملی کیا کرے گی؟ یہ بہت خوفناک ہے۔‘
انہوں نے مزید کہا، ’میں امید کرتی ہوں کہ لوگ اس واقعے سے سبق سیکھیں گے۔ جو کچھ اس فیملی کے ساتھ ہوا، وہ کسی کے ساتھ نہیں ہونا چاہیے۔ مجھے یقین ہے کہ میری عمارت بھی اب سیکیورٹی سخت کرے گی اور مزید گارڈز تعینات کرے گی۔‘
