فرمان الہی
نماز کے اوقات
سہ فریقی سیریز اور چیمپئنز ٹرافی کے لیے پاکستان ون ڈے اسکواڈ کا اعلان دوسرے ملتان ٹیسٹ کے اختتام پر متوقع ہے۔
ذرائع کا کہنا ہے کہ قومی سلیکٹرز نے تمام مشاورت مکمل کر لی ہے، چیئرمین پی سی بی کی منظوری سے اسکواڈ کا اعلان کر دیا جائے گا۔
جنوبی افریقا کے خلاف کھیلے جانے والے ون ڈے اسکواڈ میں متعدد تبدیلیاں متوقع ہیں، صائم ایوب کی انجری کے باعث اسکواڈ میں شمولیت کا امکان نہیں ہے۔
ذرائع نے بتایا ہے کہ فخر زمان، خوشدل شاہ اور سعود شکیل کی ٹیم میں شمولیت کا امکان ہے جبکہ عباس آفریدی اور عامر جمال کے ناموں پر غور کیا گیا۔
محمد رضوان، بابر اعظم، سلمان آغا اور کامران غلام اسکواڈ میں شامل ہوں گے۔
ان کے علاوہ نسیم شاہ، حارث رؤف، شاہین شاہ آفریدی اور ابرار احمد بھی اسکواڈ کا حصہ ہوں گے۔
واضح رہے کہ سہ فریقی سیریز 8 فروری کو جبکہ چیمپئنز ٹرافی 19 فروری سے شروع ہو گی۔
