فرمان الہی
نماز کے اوقات
پاکستانی معروف فلم و ٹی وی اداکار معمر رانا کی متنازع ویڈیو سوشل میڈیا پر وائرل ہو گئی۔
مختلف سماجی رابطے کی ویب سائٹس پر اداکار کی چند دن سے ایک ویڈیو وائرل ہو رہی ہے۔
مذکورہ ویڈیو ان کی فلم ’باپ‘ کے پریمیئر پر ریکارڈ کی گئی، جس میں انہیں لڑکھڑاتے ہوئے اور دیگر افراد کے سہارے سے چلتے ہوئے دیکھا جا سکتا ہے جبکہ ان کے ارد گرد موجود کئی افراد اور میڈیا نمائندے ان کی ویڈیو ریکارڈ کر رہے ہیں۔
سوشل میڈیا پر اداکار کی ویڈیو میں انہیں کسی میڈیا نمائندے سے بات چیت کرتے ہوئے تو نہیں دیکھا گیا مگر وہ چلتے ہوئے کئی بار اپنا توازن برقرار رکھنے میں ناکام دکھائی دیے۔
سوشل میڈیا پر ان کی ویڈیو وائرل ہوئی تو صارفین بھی مختلف قیاس آرائیاں کرتے دکھائی دیے۔
فی الحال یہ واضح نہیں ہے کہ معمر رانا کی ایسی حالت کی اصل وجہ کیا ہے۔
واضح رہے کہ اداکار کی مذکورہ ویڈیو گزشتہ 2 روز سے سوشل میڈیا پر زیرِ گردش ہے، تاہم اس حوالے سے معمر رانا نے خاموشی اختیار کی ہوئی ہے۔
