فرمان الہی
نماز کے اوقات
وفاقی تحقیقاتی ادارے ایف آئی اے نے مراکش کشتی حادثے کے نامزد ملزم کا 3 روزہ جسمانی ریمانڈ حاصل کرلیا۔
ایف آئی اے حکام نے فیصل آباد کی مقامی عدالت میں مراکش کشتی حادثے کے مقدمے میں نامزد ملزم عبدالغفار کو پیش کیا۔
حکام کے مطابق گرفتار ملزم کا تعلق ٹوبہ ٹیک سنگھ سے ہے، مراکش سے ڈی پورٹ کیا گیا، مراکش میں سفارت خانے نے ملزم پر انسانی اسمگلرز کے ساتھی ہونے کا شبہ ظاہر کیا تھا۔
ایف آئی اے حکام کے مطابق زندہ بچے افراد نے بھی عبدالغفار کے افریقی اسمگلرز سے رابطوں کی تصدیق کی۔
مقدمے کے متن کے مطابق ملزم عبدالغفار نے موریطانیہ میں کشتی کے کیپٹن ابوبکر سے رابطہ کیا اور تارکین وطن کو اسپین پہنچانے کےلیے 70 لاکھ روپے میں ڈیل کی۔
متن کے مطابق رقم کے لین دین کے معاملے پر کشتی کو سمندر میں روک دیا گیا تھا، کشتی کے عملے نے کئی افراد کو ہلاک کرکے سمندر میں پھینک دیا۔
مقدمے کے متن کے مطابق ملزم کے موبائل فون اور سمز کے فارنزک سے دیگر ساتھیوں کا سراغ لگایا جا رہا ہے۔
