فرمان الہی
نماز کے اوقات
کراچی کے علاقے ڈیفنس خیابان مومن میں بنگلے پر اینٹی وائلنٹ کرائم سیل (اے وی سی سی) کے چھاپے کے دوران فائرنگ کا مقدمہ درج کر لیا گیا ہے۔
2 روز قبل پولیس بنگلے کے باہر پہنچی تو ملزم نے فائرنگ کردی تھی،
پولیس مغوی مصطفیٰ کی بازیابی کیلئے بنگلےمیں پہنچی تھی، فائرنگ کے تبادلے میں ڈی ایس پی سمیت 3 پولیس اہلکار زخمی ہوئے تھے۔
واقعے کا مقدمہ اینٹی وائلنٹ کرائم سیل (اے وی سی سی) تھانے میں سرکار کی مدعیت میں درج کرلیا گیا۔
پولیس کا کہنا ہے کہ ملزم کو گرفتار لیا گیا تھا، گھر سے مغوی کا موبائل فون برآمد ہوا، ملزم سے اسلحہ اور بھاری تعداد میں گولیاں اور لیپ ٹاپ برآمد ہوئے، مغوی کی بازیابی کے لئے تفتیش جاری ہے۔
حکام کا کہنا ہے کہ برآمد ہونے والے موبائل کو فارنزک کےلیے بھجوادیا گیا ہے، ملزم نے مغوی کو دھمکی دی تھی، شہری 6 جنوری کو درخشاں سے اغواء ہوا تھا، اغواء کا مقدمہ درخشاں تھانے میں درج کیا گیا تھا۔
