فرمان الہی
نماز کے اوقات
چین میں ایک شہری کو ڈوبنے سے بچانے کے لیے ریسکیو آپریشن میں مدد کرنے والا گھوڑا کچھ دن بعد بیماری کی وجہ سے مر گیا۔
چینی میڈیا کے مطابق مرنے والے گھوڑے کی عمر 7 سال تھی اور اس نے کچھ دن پہلے ایک ڈوبنے والے شخص کو بچانے کے لیے بہت ہی بہادری سے مدد کی تھی۔
گھوڑے کے مالک کے مطابق اس کے گھوڑے نے اس سے پہلے کبھی پانی میں پاؤں نہیں رکھا تھا، جانور نے ڈوبنے والے شخص کو بچانے کے ریسکیو آپریشن کے دوران پہلی مرتبہ پانی میں پاؤں رکھے تھے۔
چینی میڈیا کے مطابق شہری کو بچانے کے 6 دن بعد گھوڑے نے اچانک کھانا پینا چھوڑ دیا اور اسے بخار بھی ہو گیا تھا۔
مقامی حکام نے علاج کے لیے ڈاکٹرز بھی بھیجے تھے تاہم گھوڑا 11 فروری کو چل بسا۔
گھوڑے اور اس کے مالک نے جس شخص کو ڈوبنے سے بچایا تھا اُس کا کہنا ہے کہ وہ خود کو گھوڑے کی موت کا قصوروار سمجھتا ہے۔
چینی میڈیا کے مطابق 4 فروری کو چین کے صوبے ہوبی میں ایک شخص پُل سے دریا میں گر گیا تھا جس کے بعد اس کی بیٹی نے مدد مانگی تھی جس پر شہری اپنے گھوڑے کو لے کر دریا میں گیا تھا۔
اس دوران گھوڑے نے دریا میں 40 میٹر سے زیادہ تیراکی کی تھی، گھوڑے کے مالک نے ایک ہاتھ سے اس کی لگام تھامی تھی جبکہ دوسرے ہاتھ سے دریا میں گرنے والے شخص کو پکڑ کر پانی سے باہر نکالا تھا۔
