فرمان الہی
نماز کے اوقات
نیوزی لینڈ کے معروف کرکٹر کین ولیمسن کا دیسی لُک توجہ کا مرکز بن گیا۔
دورۂ پاکستان کے دوران کین ولیمسن نے دیسی اسٹائل اپنایا جس کی تصویر سامنے آنے کے بعد وہ سوشل میڈیا پر توجہ کا مرکز بنے ہوئے ہیں۔
ایک موقع پر ہوٹل میں موجود کین ولیمسن کو سرمئی ٹی شرٹ کے ساتھ سفید رنگ کی دھوتی اور چپل پہنے ہوئے دیکھا گیا تھا۔
کین ولیمسن کے اس لباس نے انٹرنیٹ صارفین کو حیرت میں مبتلا کردیا ہے اور مداح اس پر دلچسپ تبصرے کر رہے ہیں۔
انٹرنیٹ پر کچھ صارفین کا ماننا ہے کہ کین ولیمسن نے جنوبی ایشیا کا روایتی لباس پہنا ہے جبکہ کچھ لوگوں نے اسے محض ایک عام تولیہ قرار دیا ہے۔
دیگر صارفین نے کین ولیمسن کے اس انتخاب کی تعریف کرتے ہوئے کہا کہ انہوں نے مقامی ثقافت کو اپنانے کی کوشش کی ہے جو قابلِ تعریف ہے۔
واضح رہے کہ کین ولیمسن ان دنوں آئی سی سی چیمپئنز ٹرافی 2025ء ٹورنامنٹ کے لیے پاکستان میں موجود ہیں۔
