فرمان الہی
نماز کے اوقات
پاکستانی اسٹار جوڑی کبریٰ خان اور گوہر رشید کی مکہ مکرمہ میں نکاح کی نئی ویڈیوز اور تصاویر سوشل میڈیا پر وائرل ہو گئیں۔
دونوں اداکار طویل عرصے تک دوست رہنے کے بعد حال ہی میں نکاح کے بندھن میں بندھے ہیں، کبریٰ خان اور گوہر رشید نے رواں ماہ 25 جنوری کو اپنی شادی کی تقریبات کے آغاز کا اعلان کیا تھا۔
اسٹار کپل کی شادی کی تقریبات کا آغاز ڈھولکی سے ہوا جس کے بعد گیم نائٹ اور پری ویڈنگ پکنک پارٹی بھی منائی گئی، جس میں قریبی دوستوں اور شوبز شخصیات نے شرکت کی، دونوں نے مکّہ مکرمہ میں نکاح کیا جس نے سب کی توجہ حاصل کر لی ہے۔
مکہ مکرمہ میں نکاح کے بعد نوبیہاتا جوڑے نے اپنے قریبی دوستوں اور خاندان کے لیے ایک عشائیے کا اہتمام بھی کیا، جس کی ویڈیو اور تصاویر نے فوٹو اینڈ ویڈیو شیئرنگ ایپ انسٹاگرام پر دھوم مچا دی ہے۔
ویڈیو میں ایک ہوٹل میں کھانے کی میز پر خوبصورت ظروف کے ہمراہ گلدان دیکھے جا سکتے ہیں جس میں گوہر اور کبریٰ کی تصویر بھی نمایاں ہے۔
تصاویر میں کبریٰ خان اور گوہر رشید کو مکہ مکرمہ میں اپنی فیملی کے ساتھ خوش گوار موڈ میں دیکھا جا سکتا ہے۔
معروف جوڑے کی ویڈیو پر سوشل میڈیا صارفین نے ان کی نئی زندگی کے لیے نیک تمناؤں کا اظہار کیا ہے۔
