فرمان الہی
نماز کے اوقات
بھارتی کرکٹ ٹیم کے کپتان روہت شرما ون ڈے کرکٹ میں تیز ترین 11 ہزار رنز بنانے والے دوسرے بیٹر بن گئے۔
دبئی میں آئی سی سی چیمپئنز ٹرافی کے دوسرے میچ میں بنگلادیش کے خلاف بیٹنگ کرتے ہوئے روہت شرما نے تاریخ رقم کردی، انہوں نے اپنی 261ویں اننگز میں 11 ہزار رنز مکمل کرلیے۔
اس سے قبل بھارتی ٹیم کے بیٹر ویرات کوہلی نے ون ڈے کی 222 اننگز میں اپنے 11 ہزار رنز مکمل کیے تھے۔
بھارتی ٹیم کے کپتان روہت شرما نے اس فہرست میں بھارتی لیجنڈ سچن ٹنڈولکر کو پیچھے چھوڑ دیا، جنہوں نے 276 اننگز میں یہ کارنامہ انجام دیا تھا، وہ 11 ہزار رنز مکمل کرنے والے دنیا کے دسویں اور بھارت کے چوتھے کھلاڑی بن گئے ہیں۔
اس سے قبل بھارت کی طرف سے سارو گنگولی بھی 11 ہزار سے زائد رنز بنا چکے ہیں۔
