فرمان الہی
نماز کے اوقات
مکہ مکرمہ میں نکاح کرنے والی پاکستانی فنکار جوڑی کبریٰ خان اور گوہر رشید کی شیندی کی فلمی ویڈیو نے سوشل میڈیا صارفین کی توجہ اپنی جانب مبذول کرا لی۔
فوٹو اینڈ ویڈیو شیئرنگ پلیٹ فارم انسٹاگرام پر گوہر رشید نے اپنی اور کبریٰ خان کی شیندی کی ویڈیو شیئر کی ہے۔
سوشل میڈیا پر شیئر کی گئی شیندی کی خوبصورت، فلمی و رومانوی ویڈیو نے صارفین کی توجہ حاصل کر لی ہے۔
حال ہی میں شادی کرنے والی اس جوڑی کو مقدس مقام پر سادگی سے نکاح کرنے پر خوب سراہا گیا تاہم اس جوڑی نے سوشل میڈیا صارفین کی تنقیدوں کے نشتر کا رخ اپنی جانب اس وقت موڑ لیا جب انہوں نے وطن واپس آنے کے بعد شادی کی دیگر تقریبات کا آغاز ناچ گانے سے کیا۔
شیندی کی تقریب میں صرف فنکار جوڑی نے ہی مختلف گانوں پر ڈانس پرفارمنس نہیں دی بلکہ شوبز انڈسٹری سے وابستہ کئی معروف شخصیات نے اس دھوم دھڑکے میں بھرپور حصہ لیا اور ڈانس پرفارمنس دے کر اس تقریب کو چار چاند لگائے۔
اب اس تقریب کی ویڈیو گوہر رشید نے ’خوش دل‘ کے کیپشن کے ساتھ انسٹا گرام پر شیئر کی ہے، جس کے کمنٹس میں تبصرہ کرتے ہوئے ان کے ساتھی فنکاروں سمیت دیگر عزیز و اقارب نے اس جوڑی کو شادی کی مبارک باد دی ہیں اور ان کے لیے نیک خواہشات کا اظہار کیا ہے۔
