فرمان الہی
نماز کے اوقات
پاکستان شوبز انڈسٹری کے معروف نو بیاہتا اداکار و ماڈل عمر شہزاد نے مدینے میں نکاح کی خوبصورت ویڈیو شیئر کردی۔
عمر شہزاد نے کچھ روز قبل فوٹو اینڈ ویڈیو شیئرنگ ایپ انسٹاگرام پر اہلیہ کی شناخت ظاہر کیے بغیر ان کے ہمراہ مسجد الحرام میں لی گئی تصاویر شیئر کرتے ہوئے شادی کا اعلان کیا تھا۔
بعد ازاں یہ انکشاف ہوا ہے کہ اداکار کی اہلیہ کوئی اور نہیں بلکہ انسٹاگرام انفلوئنسر شانزے لودھی ہیں اور اس بات کی تصدیق شانزے لودھی نےخود اپنے انسٹا گرام اکاؤنٹ پر بھی کی ہے۔
اب عمر شہزاد نے مسجدِ نبویﷺ میں نکاح کی ایک خوبصورت ویڈیو بھی شیئر کر دی ہے۔
اس ویڈیو کے آغاز میں نکاح خواں کو نکاح پڑھاتے، نکاح نامے پر دستخط کرواتے اور پھر نکاح کی تقریب میں شریک قریبی عزیز و اقارب نوبیاہتا جوڑے کو نکاح کی مبارکباد دیتے نظر آ رہے ہیں۔
اداکار نے یہ ویڈیو شیئر کرتے ہوئے کیپشن میں لکھا کہ نکاح کا سفر مدینے سے شروع کیا اور اس سفر میں آپ کی دعاؤں کے طلبگار ہیں۔
یہ ویڈیو سوشل میڈیا پر وائرل ہوگئی ہے اور سوشل میڈیا صارفین کی جانب سے نوبیاہتا جوڑے کے لیے نیک خواہشات کا اظہار کیا جا رہا ہے۔
