فرمان الہی
نماز کے اوقات
کچوریاں مزے کی لگتی ہیں لیکن اگر بازار جیسی کرسپی کچوریاں گھر پر بن جائیں تو باہر سے لانے کی ضرورت ہی نہیں تو پھر کیوں نہ آج افطار دسترخوان کی شان مزیدار چکن کچوری سے بڑھائیں۔
بون لیس چکن کو پانی میں ڈال کر ابال لیں، اس میں ہلدی، لال مرچ، کالی مرچ پاؤڈر ڈال کر پکائیں اور چکن کے ریشے کر لیں۔
اب میدہ، نمک اور پگھلی ہوئی مارجرین کی مدد سے آٹا گوندھ لیں اور کچھ دیر چھوڑ دیں اور بعد میں چھوٹے چھوٹے پیڑے بنا لیں۔
پیڑے کو بیل لیں اور اس کے اوپر گھی لگائیں اور چاروں کناروں کو موڑیں تاکہ ایک چوکور سا آٹے کا ٹکڑا بن جائے پھر اس کا دوبارہ پیڑا بنائیں اور ہاتھوں سے پھیلائیں۔
اس کے بعد ایک روٹی بن جائے گی، اب اس کے بیچ میں پکی ہوئی چکن کو روٹی کے پلین حصے پر رکھ دیں اور وہ حصہ جہاں مڑے ہوئے نشانات ہیں انہیں چکن کے اوپر چپکا دیں جیسے کہ گول پوٹلی بنتی ہے، پھر انگلیوں کی مدد سے ان کو چسپاں کر لیں۔
اب ان کو تیز گرم آئل میں ڈیپ فرائی کر لیں، لیجیے مزے دار چکن کچوریاں تیار ہیں۔
