فرمان الہی
نماز کے اوقات
سبز الائچی ایک خوشبودار بیج کی پھلی ہے جو بہت سے کھانوں کی تیاری میں استعمال ہوتی ہے جیسے کھیر، قورمہ اور بریانی، یہ ایک الگ خوشبو اور میٹھا ذائقہ دیتی ہے جو کھانے کو مزیدار بنا دیتا ہے۔
صرف یہی نہیں سبز الائچی کو اس کے فوائد اور شفا بخش خصوصیات کے لیے بھی قیمتی قرار دیا جاتا ہے۔
سبز الائچی میں اینٹی مائکروبیل، اینٹی آکسیڈینٹ اور اینٹی سوزش خصوصیات ہوتی ہیں۔
شواہد سے پتہ چلتا ہے کہ الائچی میں بعض مرکبات میں اینٹی آکسیڈنٹ اور اینٹی سوزش کی خصوصیات ہو سکتی ہیں۔
ایک رپورٹ کے مطابق کالی مرچ اور سبز الائچی کے عرق صحت مند مدافعتی نظام کو بنانے میں مدد کر سکتے ہیں۔
سوزش اور آکسیڈیٹیو تناؤ غیرصحت بخش وزن اور خوراک کی وجہ سے ہوتا ہے، اس لیے اسے خوراک میں استعمال کرنا بہتر ہے۔
سبز الائچی دل کو کولیسٹرول کی بلند سطح اور ہائی بلڈ پریشر سے بچانے میں مددگار ثابت ہوتی ہے۔
بلڈ پریشر کے مریضوں کے لیے ماہرین نے مشورہ دیا ہے کہ 1 چائے کا چمچ دھنیا اور ایک چٹکی سبز الائچی کو 1 کپ تازہ میشڈ آڑو کے جوس میں ملا کر پینے سے مدد مل سکتی ہے۔
سبز الائچی ذیابیطس اور جگر کے زہریلے مادے کو کم کرنے میں بھی مدد کر سکتی ہے۔
اسے ہاضمے کے مسائل کے لیے بھی کارمینیٹو کے طور پر استعمال کیا جا سکتا ہے۔
سبز الائچی کی پھولدار اور میٹھی خوشبو، سانس میں تازگی پیدا کر کے اسے خوشبودار بناتی ہیں اور منہ کی صحت کے مسائل، سانس کی بدبو کو دور کرنے میں مدد کرتی ہے۔
ماہرین کہتے ہیں کہ سبز الائچی ہضمے کے لیے مؤثر خامروں کے اخراج کو قابل بناتا ہے، خاص طور پر اگر بھاری کھانے کے بعد اسے کھایا جائے، الائچی معدے کے مسائل بد ہضمی، گیس اور قبض کے لیے بھی بہترین ہے۔
سبز الائچی یا چھوٹی الائچی اکثر ایسی ادویات میں استعمال ہوتی ہے جو جسمانی طاقت کو بڑھاتی ہیں۔
سبز الائچی کے تیل کا ایک اہم سینیول نامی جز اس کی جراثیم کش خصوصیات کے لیے جانا جاتا ہے جو منہ کی صفائی کو بڑھاتا ہے اور یہ سانس کی بدبو کا باعث بننے والے بیکٹیریا سے بھی لڑتا ہے۔
سبز الائچی سے نکالا ہوا تیل معدے کے السر پر بھی مثبت اثر ڈال سکتا ہے۔
چینی روایت کے مطابق سبز الائچی کی چائے پینا لمبی عمر کا راز سمجھا جاتا ہے۔
سبز الائچی کی چائے زہریلے مادوں کو باہر نکالنے میں مدد کرتی ہے اور اندرونی نظام کو صاف رکھتی ہے۔
الائچی کی چائے تمام زہریلے مادوں کو باہر نکالنے میں مدد کرتی ہے، تازگی بڑھانے کے لیے اپنی چائے میں سبز الائچی کا استعمال کریں۔
