فرمان الہی
نماز کے اوقات
اسٹار کپل کبریٰ خان اور گوہر رشید کے شاندار ولیمے کی ایچ ڈی ویڈیو منظرِ عام پر آ گئی۔
پاکستانی شوبز انڈسٹری کے معروف اداکار کبریٰ خان اور گوہر رشید کی شادی حال ہی میں مکہ مکرمہ میں نہایت سادگی سے انجام پائی، جہاں دونوں نے نکاح کیا۔
نکاح کے بعد شاندار تقریبات کا سلسلہ شروع ہوا، جن میں قوالی نائٹ، ڈھولکی، مایوں، مہندی اور ولیمہ جیسی تقریبات شامل تھیں۔
کبریٰ خان اور گوہر رشید نے اپنی شادی کی تقریب کی ہر جھلک مداحوں کے ساتھ شیئر کی، تاہم ولیمے کی تقریب کی چند ویڈیوز اور تصاویر پہلے منظرِ عام پر آئیں تھیں لیکن اب گوہر رشید نے اپنے ولیمے کی ایچ ڈی ویڈیو مداحوں کے ساتھ شیئر کر دی ہے۔
ولیمے کی تقریب نہایت پرتعیش اور شوبز ستاروں سے سجی ہوئی تھی۔
اس موقع پر کبریٰ خان نے آف وائٹ، پیچ اور ڈل گولڈ رنگ کا خوبصورت لہنگا زیب تن کیا، جس میں وہ نہایت دلکش لگ رہی تھیں۔
گوہر رشید نے براؤن رنگ کا سوٹ پہنا، جو ان پر خوب جچ رہا تھا۔
ولیمے کی تقریب میں خوبصورت سجاوٹ، لذیذ کھانوں اور خوش گوار ماحول نے چار چاند لگا دیے۔
مہمانوں نے کبریٰ خان اور گوہر رشید کے نئے سفر کے لیے نیک تمناؤں کا اظہار کیا۔
