فرمان الہی
نماز کے اوقات
یورپی یونین، بیلجیم اور لکسمبرگ میں پاکستان کے سفارتخانے نے عیدالفطر کے پرمسرت موقع پر ایک خوشگوار اور پُررونق عید ملن تقریب کا اہتمام کیا۔
اس موقع پر بیلجیم اور لکسمبرگ سے تعلق رکھنے والی پاکستانی کمیونٹی کے افراد کی بڑی تعداد نے شرکت کی جن میں پیشہ ور افراد، کاروباری شخصیات، طلباء اور میڈیا کے نمائندے شامل تھے۔ تقریب میں اتحاد، خوشی اور ثقافتی ہم آہنگی کا خوبصورت مظاہرہ دیکھنے کو ملا۔
یورپی یونین، بیلجیم اور لکسمبرگ میں پاکستان کے سفیر رحیم حیات قریشی نے شرکاء سے خطاب کیا۔
اپنے خطاب میں انہوں نے کمیونٹی کو عید کی دلی مبارکباد دی جبکہ بیلجیم اور یورپی یونین کے ساتھ عوامی روابط کو مضبوط بنانے میں پاکستانی کمیونٹی کے مسلسل اور مثبت کردار کو سراہا۔
انہوں نے بیرون ملک مقیم پاکستانیوں کے درمیان اتحاد، ہم آہنگی اور اجتماعی شناخت کی اہمیت پر زور دیا اور پاکستان کی ثقافتی اور علاقائی تنوع کی خوبصورتی کو اُجاگر کیا۔
