فرمان الہی
نماز کے اوقات
لاہور( نمائندہ جنگ )سابق وزیر اعظم اور مسلم لیگ (ن) کے صدر نوازشریف کی سیاسی میدان میں واپسی؟ مالک بلوچ اور اویس لغاری سے ملاقاتیں،بلوچستان میں امن کیلئے کردار ادا کرنے کیلئے تیارہوگئے۔
پارٹی ذرائع کے مطابق نواز شریف سے سابق وزیر اعلیٰ بلوچستان اور نیشنل پارٹی کے سربراہ ڈاکٹر عبدالمالک بلوچ نے اپنی جماعت کے وفد کے ہمراہ جاتی امرا رائیونڈ میں اہم ملاقات کی ۔
اس موقع پر مسلم لیگ (ن) کے رہنما اور وفاقی وزراء اویس لغاری، احسن اقبال، پرویز رشید، خواجہ آصف، خواجہ سعد رفیق، احسن اقبال اور سردار اویس لغاری بھی موجود تھے۔دونوں رہنمائوں نے ملاقات میں بلوچستان کے حالیہ واقعات، دہشت گردی کی صورتحال پر تبادلہ خیال کیا۔
ڈاکٹر عبدالمالک بلوچ نے میاں نواز شریف کو دورہ بلوچستان کی دعوت بھی دی۔ ملاقات کے بعد لیگی رہنما خواجہ سعد رفیق کے ہمراہ میڈیا سے گفتگو کرتے ہوئے ڈاکٹر عبدالمالک بلوچ نے کہا کہ میں نواز شریف اور لیگی رہنمائوں کا مشکور ہوں کہ ہمارے خیرسگالی وفد کو بھرپور احترام دیا۔
خواجہ سعد رفیق نے کہا کہ نواز شریف نے یقین دہانی کرائی کہ وہ بلوچستان میں امن کے لیے اپنا سیاسی اور جمہوری کردار ادا کریں گے۔
قبل ازیں پاکستان مسلم لیگ (ن) کے صدر نواز شریف سے وفاقی وزیر توانائی سردار اویس خان لغاری نے بھی ملاقات کی ۔
