فرمان الہی
نماز کے اوقات
ترکیہ کے صدر رجب طیب اردوان کی دعوت پر وزیراعظم شہباز شریف ترکیہ کے دو روزہ دورے پر انقرہ پہنچ گئے جہاں وہ آج ترک صدر رجب طیب اردوان سے ملاقات کریں گے۔
انقرہ کے ہوائی اڈے پہنچنے پر ترک وزیر دفاع یشار گیولر، ڈپٹی گورنر انقرہ ظفر اورحان، پاکستان ترکیہ کلچرل ایسوسی ایشن کے صدر برہان قایاترک، پاکستان کے ترکیہ میں سفیر ڈاکٹر یوسف جنید، حکومت ترکیہ کے اعلی حکام اور انقرہ میں تعینات پاکستانی سفارتکاروں نے ان کا استقبال کیا۔
آج رات وزیراعظم شہبازشریف ترک صدر رجب طیب اردوان سے ملاقات کریں گے۔ دونوں رہنما دوطرفہ تعلقات کو مزید وسعت دینے سمیت اہم علاقائی و عالمی امور پر تبادلہ خیال کریں گے جبکہ دونوں رہنما مشترکہ پریس کانفرنس سے بھی خطاب کریں گے۔
اپنے قیام کے دوران وزیر اعظم شہباز شریف نے ترک سرمایہ کاروں اور کاروباری وفود سے بھی ملاقاتیں کی ہیں۔
نائب وزیر اعظم اور وزیر خارجہ اسحاق ڈار، وزیر اطلاعات ونشریات عطا اللّٰہ تارڑ اور معان خصوصی طارق فاطمی بھی وزیراعظم کے ہمراہ ہیں۔
