فرمان الہی
نماز کے اوقات
ٹی20 ایشیا کپ کے سپر فور مرحلے کے پہلے میچ میں بنگلادیش نے دلچسپ مقابلے کے بعد سری لنکا کو 4 وکٹ سے شکست دے دی۔
دبئی میں کھیلے گئے میچ میں بنگلادیشی ٹیم نے ٹاس جیت کر پہلے فیلڈنگ کرنے کا فیصلہ کیا اور سری لنکا نے مقررہ 20 اوورز میں 7 وکٹ پر 168 رنز بنائے، داسن شناکا نے 64 رنز کی ناقابل شکست باری کھیلی۔
دیگر کھلاڑیوں میں کوشل مینڈس 34، پتھم نسانکا 22، کپتان چریتھ اسالانکا 21، کوشل پریرا 16، کامل مشرا 5، ونندو ہسارنگا 2 اور کمنڈو مینڈس نے ایک رن بنایا۔
بنگلادیش کے مستفیض الرحمٰن نے 3، مہدی حسن نے 2 اور تسکین احمد نے 1 سری لنکن کھلاڑی کو پویلین بھیجا جبکہ 1 کھلاڑی رن آؤٹ ہوا۔
بنگلادیشی ٹیم نے سنسنی خیز مقابلے بعد 169 رنز کا ہدف 6 وکٹوں کے نقصان پر ایک گیند قبل حاصل کیا۔
بنگلادیش کی طرف سے سیف حسن نے 61 اور توحید ہردوئے نے 58 رنز کی شاندار اننگز کھیلی اور ٹیم کے لیے ہدف آسان بنادیا۔
آخری اوور میں بنگلادیش کو 5 رنز درکار تھے، ذاکر علی پہلی گیند پر چوکا مارا اور اسکور برابر کردیا، اس کے بعد اگلی 3 گیندوں پر شناکا نے 2 وکٹیں لے کر میچ کو دلچسپ بنادیا، لیکن وہ میچ نہ بچاسکے۔
بنگلادیش کی طرف سے دیگر کھلاڑیوں میں لٹن داس 23، شمیم حسین 14، ذاکر علی 9 اور مہدی حسن صفر رنز بناکر پویلین لوٹ گئے۔
یہ میچ ایونٹ میں دونوں ٹیموں کا دوسرا ٹاکرا تھا، گروپ لیول کے میچ میں سری لنکا نے بنگلادیش کو 6 وکٹ سے شکست دی تھی۔
گروپ اے سے پاکستان اور بھارت جبکہ گروپ بی سے سری لنکا اور بنگلادیش نے سپر فور مرحلے کیلئے کوالیفائی کیا ہے۔
