فرمان الہی
نماز کے اوقات
سوئٹزرلینڈ کی حکومت نے ملک میں موجود وینزویلا کے صدر نکولس مادورو اور ان کے قریبی ساتھیوں کے تمام ممکنہ اثاثے فوری طور پر منجمد کرنے کا اعلان کر دیا ہے۔
سوئس وفاقی کونسل نے ایک بیان میں کہا کہ اس فیصلے کا مقصد اثاثوں کے ممکنہ انخلا کو روکنا ہے۔
بیان میں واضح کیا گیا کہ اگر آئندہ قانونی کارروائیوں کے دوران یہ ثابت ہوا کہ یہ رقوم غیر قانونی ذرائع سے حاصل کی گئی تھیں تو سوئٹزرلینڈ اس بات کو یقینی بنانے کی کوشش کرے گا کہ یہ اثاثے وینزویلا کے عوام کے مفاد میں استعمال ہوں۔
سوئس حکومت کے مطابق یہ اقدام احتیاطی بنیادوں پر اٹھایا گیا ہے تاکہ کسی بھی ممکنہ مالی بدعنوانی کے نتائج سے نمٹا جا سکے۔
مبصرین کے مطابق یہ فیصلہ وینزویلا کے گرد بڑھتے ہوئے بین الاقوامی دباؤ اور حالیہ امریکی کارروائیوں کے تناظر میں نہایت اہم سمجھا جا رہا ہے۔
خیال رہے کہ 3 جنوری کو امریکا نے وینزویلا کے صدر نکولس مادورو اور ان کی اہلیہ کو ایک فوجی کارروائی کے دوران حراست میں لے کر نیو یارک منتقل کر دیا تھا، جہاں وہ منشیات سے متعلق الزامات پر عدالت میں پیش ہوں گے۔
امریکی صدر ڈونلڈ ٹرمپ کا کہنا ہے کہ امریکہ اس وقت وینزویلا کی صورتحال پر مکمل کنٹرول رکھتا ہے۔
