فرمان الہی
نماز کے اوقات
کراچی کے مختلف علاقوں میں گرج چمک کے ساتھ بارش کا نیا سلسلہ جاری ہے، کہیں کہیں اولے بھی گرے ہیں جبکہ مختلف علاقوں میں بجلی کی فراہمی معطل ہوگئی ہے۔
اورنگی ٹاؤن، چشتی نگر اور اطراف کے علاقوں میں بارش ہوئی ہے، آئی آئی چندریگر روڈ، صدر، برنس روڈ اور اطراف کے علاقوں میں ہلکی بارش ہوئی ہے۔
بلدیہ ٹاؤن، سعید آباد، ماڑی پور اور مواچھ گوٹھ میں بھی ہلکی بارش ہوئی جبکہ نارتھ ناظم آباد اور ناظم آباد میں گرج چمک کے ساتھ ہلکی بارش ہوئی۔
لیاقت آباد، پرانا گولیمار، اسکیم 33، ایم نائن اور شاہراہ پاکستان کے مختلف مقامات پر بارش ہوئی ہے۔
گارڈن، سرجانی ٹاؤن، نادرن بائی پاس، ملیر ہالٹ اور رفاہ عام میں بھی گرج چمک کے ساتھ بارش ہوئی۔
