فرمان الہی
نماز کے اوقات
نیوزی لینڈ کے سابقہ فاسٹ بولر پر کوکین کے استعمال کے باعث 2 سال کی پابندی لگ گئی۔
برطانوی میڈیا رپورٹ کے مطابق 35 سالہ بریسویل نے گزشتہ برس کاؤنٹی چیمپئن شپ کے فائنل میں کوکین کا استعمال کیا تھا۔
نیوزی لینڈ کے سابقہ فاسٹ بولر کا 25 ستمبر کو ٹیسٹ مثبت آیا جبکہ بریسویل نے بھی کوکین کے استعمال کا اعتراف کیا، وہ ایونٹ میں ایسیکش کی نمائندگی کر رہے تھے۔
برطانوی میڈیا رپورٹ کے مطابق انٹرنیشنل کرکٹ سے ریٹائرمنٹ کے باوجود منشیات کا ٹیسٹ مثبت آنے پر بریسویل پر 2 سال کی پابندی لگائی گئی ہے۔
رپورٹ میں مزید کہا گیا کہ بریسویل نے کوکین استعمال پر بطور سزا 2 سالہ پابندی کو تسلیم کرلیا ہے جبکہ ایسیکس کاؤنٹی کو کوئی سزا نہیں ہوگی۔
نیوزی لینڈ سے تعلق رکھنے والے سابقہ فاسٹ بولر 2024ء میں بھی کوکین کے استعمال کی وجہ سے ایک ماہ پابندی کا شکار ہوئے تھے۔
بریسویل نے 2011ء میں بنگلادیش کے خلاف ڈیبیو کیا، انہوں نے 69 انٹرنیشنل میچز میں نیوزی لینڈ کی نمائندگی کی اور 2025ء میں ہرطرز کی کرکٹ سے ریٹائرمنٹ کا اعلان کردیا۔
