فرمان الہی
نماز کے اوقات
ہنگری میں پاکستانی سفارتخانے کے زیر اہتمام معرکۂ حق کی پہلی سالگرہ انتہائی قومی جذبے اور وقار کے ساتھ منائی گئی۔ یہ دن پاکستان کی دفاعی تاریخ کے ایک عظیم باب کی یاد دلاتا ہے جو قوم کی جرات، اتحاد اور مسلح افواج کی بے مثال قربانیوں کی علامت ہے۔
تقریب سے خطاب کرتے ہوئے سفیر پاکستان آصف حسین میمن کا کہنا تھا کہ معرکۂ حق پاکستان کی قومی طاقت، عزم اور یکجہتی کی روشن مثال ہے جس نے پوری قوم کو فخر اور حوصلہ عطا کیا۔
انہوں نے کہا کہ یہ تاریخی لمحہ آج بھی پاکستانی عوام کے دلوں میں ولولہ اور حب الوطنی کا جذبہ تازہ کرتا ہے۔
تقریب کے دوران معرکۂ حق کے پس منظر اور اہم واقعات پر مبنی ایک مختصر دستاویزی فلم بھی شرکاء کو دکھائی گئی جسے حاضرین نے بےحد سراہا۔
شرکاء نے پاکستان کے پُرامن مؤقف کو دنیا بھر میں مؤثر انداز میں اُجاگر کرنے پر وزارت خارجہ اور پاکستانی سفارتی مشنز کی مثبت سفارتکاری کو بھی خراجِ تحسین پیش کیا۔
تقریب میں پاکستانی کمیونٹی، سفارتی شخصیات اور مختلف شعبہ ہائے زندگی سے تعلق رکھنے والے افراد نے شرکت کی اور پاکستان کی سلامتی، ترقی اور استحکام کے لیے دعائیں اور نیک تمناؤں کا اظہار کیا گیا۔
