فرمان الہی
نماز کے اوقات
وفاقی وزیر اطلاعات و نشریات عطا تارڑ نے خیبرپختونخوا حکومت کو دہشت گردی کے فروغ کی ذمے دار قرار دیدیا۔
اسلام آباد سے جاری بیان میں عطا تارڑ نے کہا کہ خیبرپختونخوا کی حکومت دہشت گردی کو نہیں روک سکتی، صوبائی حکومت دہشت گردی پھیلانے کی ذمے دار ہے۔
انہوں نے کہا کہ صوبائی حکومت شہریوں کے جان و مال کا تحفظ نہیں کرسکتی تو یہ مکمل ناکامی ہے، دہشت گردی کے خلاف کارروائی کے بجائے دہشت گردوں کو اسپیس دی جا رہی ہے۔
وفاقی وزیر نے مزید کہا کہ خیبر پختونخوا میں اپیکس کمیٹی کا اجلاس تک نہیں بلایا جاتا، ہزاروں جوان اور افسر شہید ہوئے، دہشت گردی کی مذمت تک نہیں کی گئی۔
اُن کا کہنا تھا کہ پاکستان سے فائدے لیتے ہیں لیکن حمایت افغانستان کی کرتے ہیں، بتایا جائے کہ ان کو شہداء کے جنازوں میں شرکت سے کون روکتا ہے؟
عطا تارڑ نے یہ بھی کہا کہ دوغلی پالیسی اور دہشت گردوں کے ساتھ گٹھ جوڑ کھل کر سامنےآ گیا ہے، آپ کی سیاست بھاڑ میں گئی، عوام کے جان و مال کا تحفظ سب سے پہلے ہے۔
