فرمان الہی
نماز کے اوقات
دوحہ میں وفاقی وزیرِ داخلہ محسن نقوی نے قطری ہم منصب شیخ خلیفہ بن حمد سے ملاقات کی ہے۔
ملاقات میں داخلی سیکیورٹی کے مختلف شعبوں میں دو طرفہ تعاون بڑھانے پر تفصیلی تبادلۂ خیال کیا گیا۔
دونوں وزرائے داخلہ نے سیکیورٹی شراکت داری مزید مضبوط بنانے اور باہمی تعاون کو مستحکم کرنے کے عزم کا اعادہ کیا۔
اس موقع پر خطے کی موجودہ صورتِ حال، علاقائی امن و استحکام سے متعلق امور پر بھی گفتگو ہوئی۔
محسن نقوی نے گفتگو کرتے ہوئے کہا کہ پاکستان اور قطر علاقائی امن و استحکام کے لیے مل کر کام کر رہے ہیں۔
قطری وزیرِ داخلہ نے کہا کہ قطر پاکستان کے ساتھ تعلقات کو انتہائی اہمیت دیتا ہے۔
