وزیر اعظم کےمشیر انجینئر امیر مقام نے کہاہے کہ ڈبل اسٹینڈر کی بجائے عمران خان حقیقت پسندی کا مظاہرہ کرتے ہوئے خود سے احتساب کی ابتدا کریں ،ا ن کے ہاتھ کس نے باندھے ہیں کہ خیبرپختون خوا میں احتساب نہ کریں۔
مردان میں سوئی گیس کے ریجنل آفس کے افتتاح کے موقع پرن لیگ کے کارکنوں سے خطاب میں انجینئر امیر مقام کا کہنا تھا کہ عوام نے پی ٹی آئی کی منفی سیاست کو مستر د کردیا ہے ، تحریک انصاف کےبانی کارکن عمران خان کاساتھ چھوڑ رہے ہیں، الیکشن شیڈول کے اعلان کےبعد عمران خان تنہا رہ جائیں گے۔
امیر مقام کا مزید کہنا تھا کہ مخالفین بھی تسلیم کریں گے کہ نواز شریف ہی ملک وقو م کے حقیقی خیرخواہ ہیں ۔