سعودی فضائی کمپنی نے باور کرایا ہے کہ اس نے معتمرین کی آمد ورفت کے لیے تمام سہولتیں پیش کرنے کے لئے اضافی پروازوں کا نظام اوقات جاری کر دیا ہے۔
یہ اقدامات دنیا بھر سے عمرے کی ادائیگی کے لیے آنے والے اللہ کے مہمانوں کی خدمت اور دیکھ بھال کی کوششوں کا حصہ ہیں۔
فضائی کمپنی سعودیہ کے سرکاری ترجمان انجینئر عبدالرحمٰن الطیب نے بتایا کہ ان کی کمپنی اس فضیلت والے مہینے میں معتمرمین کی خدمت کے لیے اپنے تمام تر وسائل کو بروئے کار لا رہی ہے۔
ان دنوں عمرے کی ادائیگی اور مسجد نبوی میں لوگوں کا بہت زیادہ رش ہے جس کے سبب مملکت کی جانب سے اللہ کے مہمانوں کی خدمت کے لیے کوششوں میں بھی بھرپور اضافہ ہو جاتا ہے۔
الطیب نے مزید بتایا کہ حالیہ دنوں میں اُن پروازوں میں نشستوں کی گنجائش میں بھی اضافہ کر دیا گیا ہے جنہیں عازمین عمرہ کی بڑی تعداد کا سامنا ہے۔
انہوں نے باور کرایا کہ دنیا بھر میں سعودیہ کے دفاتر عازمین عمرہ کے لیے خصوصی خدمات پیش کرنے کے واسطے مصروفِ عمل ہیں۔