کرائم تھرلر فلم ’’وِنڈ ریور‘‘ کی نئی جھلکیاں جاری

پر اسرارقتل کی تحقیقات میں مصروف ایف بی آئی ایجنٹ کے گِرد گھومتی ہالی ووڈ کی نئی کرائم تھرلر فلم’’وِنڈ ریور‘‘کی نئی جھلکیاں جاری کردی گئی ہیں۔

ہدایتکارٹیلر شیریڈن کی اس سنسنی خیز فلم کی کہانی کا آغاز ایک ایسے پر اسرار قتل سے ہوتا ہے جس کے زا رسے پردہ اُٹھانے کے لئے ایف بی آئی اپنا سب سے ماہر ایجنٹ بھیجتی ہے جو ایک خاتون کی مدد سے قتل کے پسِ پردہ عوامل جان کر کیس کو حل کر دیتا ہے ۔

الزبیتھ بیل اورپیٹر برج کی مشترکہ پروڈکشن میں بننے والی اس فلم میں ہالی وڈ اداکارجیریمی رنر، الزبیتھ اولسن ، جان برتھ ، کیلسے چئے اورجولیا جونز سمیت کئی اداکار اہم کرداروں میں جلوۂ گر ہوںگے۔

ایکشن ، کرائم اور تھرل سے بھرپور یہ فلم رواں سا ل وِنسنٹ کمپنی کے تحت 4اگست کو سنیما گھروں میں نمائش کیلئے پیش کر دی جائے گی۔