امریکی پولیس آفیسرکا میوزک کی دُھن پر ڈانس

یوں تو پولیس کا کام مجرموں کا پیچھا کرتے ہوئے اُنہیں سزا دلوانا ہے لیکن کچھ پولیس اہلکار ویڈیو میں دکھائی دیتے اس پولیس آفیسر جیسے زندہ دل بھی ہوتے ہیں جس کی ڈانس پرفارمنس نے انٹرنیٹ پر دھوم مچادی ہے۔

یہ مناظر امریکی ریاست شمالی کیرولینامیں دیکھے گئے جہاں ایک پولیس اہلکار میوزک کی دُھن پر رقص کا شاندار مظاہرہ کر رہا تھا۔

پولیس اہلکار ڈیوٹی سے فارغ ہوکر کار پارکنگ میں اپنی گاڑی کا ا نتظار کر رہا تھا کہ اتنے میں ایک منچلے نوجوان کو شرارت سوجھی اور پولیس اہلکار کو ڈانس کا چیلنج کر ڈالا۔

بس پھر کیا تھا ڈانس کرنے کے شوقین پولیس اہلکار نے بھی نوجوان کے ساتھ خوب دھمال ڈالا جسے دیکھ کر وہاں موجود افراد بھی بے حد محظوظ ہوئے جبکہ پولیس اہلکار کی یہ دلچسپ ڈانس پرفارمنس ویڈیو سوشل میڈیا پر وائرل ہوچکی ہے جسے اب تک لاکھوں افراد دیکھ چکے ہیں۔