آپ آف لائن ہیں
جنگ ای پیپر
جمعہ18؍رمضان المبارک1440 ھ24؍مئی 2019ء
Namaz Timing
  • بانی: میرخلیل الرحمٰن
  • گروپ چیئرمین و ایگزیکٹوایڈیٹر: میر جاوید رحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

کراچی(اسٹاف رپورٹر) اسکولوں میں غیر قانونی طور پر فیسیس بڑھانے کے خلاف متعدد اسکولوں کے بچوں کے والدین  نے احتجاج کیا ہے اس سلسلے میں سٹی اسکول کےبچوں کے والدین  نے بھی جوجہد کا اغاز کردیا ہےاور سٹی اسکولز کی انتظامیہ کی جانب سے غیرقانونی فیس وصول کرنے کے خلاف درجنوں والدین نے  نے محکمہ تعلیم کے ڈائریکٹر جنرل پرائیویٹ انسٹی ٹیوشن سندھ ڈاکٹرمنسوب حسین صدیقی سے ان کے دفتر میں ملاقات کی اور تحریری طور پر غیرقانونی فیس وصول کرنے پر شکایت درج کرواتے ہوئے  فوری ایکشن لینے کا مطالبہ کیا ہے۔

والدین نے وزیرتعلیم جام مہتاب ڈھر اور سیکریٹری تعلیم سے مطالبہ کیا ہے کہ سٹی اسکولز کے خلاف کارروائی کرکے والدین کے مسائل حل کئے جائیں۔ جس کے بعد  ڈائریکٹر جنرل پرائیویٹ انسٹی ٹیوشن سندھ ڈاکٹرمنسوب حسین صدیقی نے سٹی اسکولز کی انتظامیہ کی خط لکھ دیا ہے، واضح رہے کہ اسکولوں کو ہر سال صرف 5 فیصد فیس بڑھانے کی اجازت ہے مگر بیشتر بڑے اسکول اس کی پرواہ نہیں کرتے اور ہر سال ۱۵ سے ۵۰  فیصدتک فیسں بڑھا لیتے ہیں،  والدین کے مطابق سٹی اسکول  10   ہزار روپے ماہانہ تک اضافہ کردیا ہے  جو ظلم ہے۔ 

Chatاپنی رائے سے آگاہ کریں