فلسطینی صدر محمود عباس نے امریکی صدر ٹرمپ کو امریکی سفارتخانہ تل ابیب سے مقبوضہ بیت المقدس منتقلی کی صورت میں سنگین نتائج سے خبردار کر دیا۔
ترجمان فلسطینی صدر کے مطابق امریکی صدر ٹرمپ نے فلسطینی صدر محمود عباس سے ٹیلیفون پر رابطہ کیا، امریکی صدر نے اپنا سفارتخانہ تل ابیب سے مقبوضہ بیت المقدس منتقل کرنےکے حوالے سے اپنے ارادہ سے صدرعباس کوآگاہ کیا۔
جس پر فلسطینی صدرمحمودعباس نے امریکی اقدام کے خلاف سنگین نتائج سے خبردار کیا اور ایسے کسی بھی اقدام کو امن عمل کی ناکامی سے تعبیر کرتے ہوئے اسے دنیا اور خطے کی سلامتی و تحفظ کے منافی قرار دیا۔