اسلام آباد(صباح نیوز)سابق وزیراعظم اور مسلم لیگ(ن)کے صدر میاں نوازشریف اپنی صاحبزادی مریم نواز آج (اتوار کو) لندن سے وطن واپس پہنچیں گے،جبکہ میاں شہباز شریف مزید دو دن لندن قیام کریں گے۔ کلثوم نواز کو ہارلے اسٹریٹ منتقل کر دیا گیا جہاں ڈاکٹر چوتھے کیموتھراپی سیشن کا فیصلہ کریں گے۔ نوازشریف اورمریم نواز 19 دسمبر کوتینوں ریفرنسزمیں احتساب عدالت میںپیش ہوں گے۔اسلام آباد کی احتساب عدالت نے نیب ریفرنسز کی سماعت کے سلسلے میں نوازشریف کو حاضری سے ایک ہفتے کے لیے استثنیٰ دیا تھا جس کے بعد وہ لندن روانہ ہوگئے تھے۔ نوازشریف قومی ایئرلائن کی پرواز پی کے 758 کے ذریعے ہفتہ کی شام 7 بج کر 10 منٹ پر لندن کے ہیتھرو ایئرپورٹ سے روانہ ہو کرآج(اتوارکو) صبح 8 بجے لاہور کے علامہ اقبال ایئرپورٹ آئیں گے۔ذرائع کے مطابق میاں نوازشریف کے ساتھ ان کی صاحبزادی مریم نواز بھی پاکستان آئیں گے۔ شریف خاندان کے خلاف احتساب عدالت میں نیب ریفرنسز زیر سماعت ہیں۔احتساب عدالت نے نوازشریف اور ان کے بچوں کیخلاف تینوں ریفرنسز پر سابق وزیراعظم اور انکی صاحبزادی کو 19 دسمبر کو طلب کیا ہے۔ آئندہ سماعت پر نوازشریف اور ان کی صاحبزادی مریم نواز کو بھی پیش ہونا پڑے گا کیونکہ سابق وزیراعظم کی استثنی کی مدت 12 دسمبر جبکہ مریم نواز کی 15 دسمبر کو ختم ہو گئی ہے۔ مزید 3 گواہ بھی عدالت میں بیان ریکارڈ کرائیں گے۔
فرمان الہی
نماز کے اوقات
