ترکش شخص فٹبال میچ دیکھنے کیلئے کرین لے آیا

یوں تو فٹبال کے دیوانوں کی کمی نہی جو اپنی پسندیدہ ٹیم کی حمایت میں اکثر پرجوش نظر آتے ہیں لیکن جناب یہاں تو ترکش شخص اپنی پسندیدہ ٹیم کا میچ دیکھنے کیلئے کرین پر ہی چڑھ گیا ہے۔

جی ہاں، اسے جنون کہیں یا پاگل پن کہ ترکی سے تعلق رکھنے والا فٹبال کے دیوانے شخص کو اسٹیڈیم میں آنے کی اجازت نہ ملی تو اُسنے منفرد لیکن خطرناک طریقہ ڈھونڈ نکالا اور کرین کرائے پر لے آیا۔

سر پھرے شخص نے اسٹیڈیم کے باہر کرین کھڑی کی اور پھر کرین کے سرے پر چڑھ کر اپنی پسندیدہ ٹیم کا میچ نہ صرف خوب انجوائے کیا بلکہ سپورٹ بھی کی اور ٹیم کی کامیابی کا جشن بھی منایا۔

یوں سرپھرے شخص کو کرین پر چڑھ کر میچ دیکھنے پر جہاں دیکھنے والے حیران ہوئے وہیں کئی نے تنقید کا نشانہ بھی بنایا جبکہ ترکش شخص کی اسٹیڈیم میں باپندی کی وجوہات سامنے نہیں آسکیں۔