فواد چوہدری کا سعودی ہم منصب سے ٹیلی فونک رابطہ

وزیراطلاعات فواد چوہدری نے سعودی ہم منصب ترکی الشبانہ سے ٹیلی فون پررابطہ کیا ہے جس میں سعودی عرب اور پاکستان کے درمیان دوستانہ قریبی تعلقات سے متعلق گفتگو ہوئی ہے۔

ذرائع کے مطابق وزیراطلاعات فواد چوہدری نے سعودی ہم منصب کو نئی ذمہ داریاں سنبھالنے پر مبارکباد دی جبکہ سعودی وزیر نے فواد چوہدری کی طرف سے نیک تمناؤں کے اظہار پرشکریہ ادا کیا۔

فواد چوہدری کا کہنا تھا کہ ولی عہد شہزادہ محمد بن سلمان کے دورہ پاکستان کے منتظر ہیں،ان کے دورہ پاکستان سے دونوں ممالک کے تعلقات مزید مضبوط ہوں گے۔

انہوں نے کہا سعودی عرب اورپاکستان دوبھائی ہیں، دونوں ممالک کے درمیان باہمی احترام، تعاون اور اعتماد کا رشتہ ہے۔