فرمان الہی
نماز کے اوقات
لاس اینجلس میں ہالی وڈ کی کامیڈی سے بھرپور تھری ڈی اینیمیٹیڈ فلم ’اگلی ڈولز‘کے رنگا رنگ پریمیئر کا انعقاد کیا گیا۔
مقامی تھیٹر میں منعقد ہونے والی اس رنگا رنگ تقریب میں ایما رابرٹ،نک جونز اور کیلے کلارسن سمیت دیگر فلمی ستاروں نے شرکت کرکے رونقیں بکھیردیں جبکہ اس موقع پر مداحوں کی بھی بڑی تعداد وہاں موجود تھی۔
ڈائریکٹرKelly Asbury کی ہدایتکاری میں بننے والی اس فلم کی کہانی ایسی بد شکل گڑیاؤں کے گرد گھوم رہی ہے جنہیں کوئی پیار نہیں کرتا۔ محبت کی طلبگار یہ ننھی کیوٹ گڑیائیں مستی اور شرارت میں مشغول دکھائی دے رہی ہیں جن کی شرارتیں دیکھنے والوں کوہنسنے پر مجبور کر دیں گی۔
اس کامیڈی فلم کیلئے ڈائیلاگ نامور ہالی وڈ اداکارایما رابرٹ،نک جونز، گیبرئل اگلییسیاس سمیت کئی فنکاروں کی آوازمیں ریکارڈ کئے گئے ہیں۔
فلم10مئی کو سنیما گھروں میں نمائش کیلئے پیش کر دی جائیگی۔
