لاہور، ٹرینوں کا شیڈول درہم برہم

لاہور ریلوے اسٹیشن پر ٹرینوں کا شیڈول درہم برہم ہونے سے عید پر آبائی علاقوں کو جانے والے مسافر رُل گئے، ٹرینوں کی آمدو رفت کے باعث مسافر گھنٹوں انتظار کی کوفت اٹھانے پر مجبور ہوگئے۔

مسافروں کا کہنا ہے کہ جلد گھر پہنچنے کی امید پر وقت سے پہلے ریلوے اسٹیشن پہنچے تھے لیکن یہاں تو سارا نظام ہی تلپٹ ہے۔

لاہور سے کراچی جانے والی تیز گام اور بزنس ایکسپریس ایک سے چار گھنٹے، ملتان ایکسپریس اور کوئٹہ جانے والی جعفر ایکسپریس پانچ سے سات گھنٹے تاخیر کا شکار ہے۔

ریلوے حکام کا کہنا ہے کہ بوگیوں کی کمی پوری کرنے کی کوشش جاری ہے، جونہی بوگیاں مل گئیں ٹرینوں کی روانگی میں تاخیر بھی ختم ہو جائے گی۔