فرمان الہی
نماز کے اوقات
ملک کے اکثر علاقوں میں شدید گرمی کی لہر برقرار ہے جبکہ کراچی میں کل گرمی کی شدت میں اضافے کا امکان ہے۔
محکمہ موسمیات کے مطابق آئندہ 24گھنٹوں کے دوران ملک کے بیشتر علاقوں میں موسم گرم اور خشک رہے گا، بالائی علاقوں اور کشمیرمیں آندھی اوربارش کا امکان۔
کراچی میں گرمی کی شدت میں اضافہ ہوگا جبکہ مالاکنڈ، ہزارہ،کوہاٹ ڈویژن،گلگت بلتستان اور کشمیر میں چند مقامات پر آندھی چلنے اور گرج چمک کیساتھ بارش کا امکان ہے۔
محکمہ موسمیات کا کہنا ہے کہ گزشتہ 24 گھنٹوں کے دوران ملک کے بیشتر علاقوں میں موسم گرم اور خشک جبکہ پنجاب، خیبرپختونخوا کے میدانی علاقوں،مشرقی بلوچستان اور صوبہ سندھ میں موسم شدید گرم رہا۔
گزشتہ 24 گھنٹوں کے دوران سب سے زیادہ گرمی جیکب آباد میں رہی جہاں درجہء حرارت 51ڈگری سینٹی گریڈ تک جا پہنچا۔
سکھر، دادو، موہنجودارو، لاڑکانہ اور بہارلنگر میں درجہ حرارت49 ڈگری سینٹی گریڈ ریکارڈ کیا گیا جبکہ گزشتہ 24 گھنٹوں میں اسلام آباد میں زیادہ سے زیادہ درجہء حرارت31ڈگری سینٹی گریڈ رہا۔
کراچی میں37، لاہور میں36، پشاور میں 44، کوئٹہ میں 35، مظفر آباد میں37، گلگت میں 34، فیصل اباد میں46، ملتان میں بھی46اور حیدر آباد میں درجہ حرارت زیادہ سے زیادہ 45 ڈگری سینٹی گریڈ ریکارڈ کیا گیا۔
