فرمان الہی
نماز کے اوقات
چیف آف دی نیول اسٹاف ایڈمرل ظفر محمود عباسی نے عید کے دن کھلے سمندر میں پاک بحریہ کے جنگی جہاز کا دورہ کیا۔
پاک بحریہ کے ترجمان کے مطابق نیول چیف نے جہاز پر تعینات افسروں اور جوانوں کو عید کی مبارک باد دی اور ان کے بلند جذبے کو سراہا۔
نیول چیف نے اس موقع پر کہا کہ عید کے موقع پر دفاع وطن کی خاطر اپنے پیاروں سے دور کھلے سمندر میں عید منانے والے افسران اور جوان اس قوم کا فخر ہیں۔
انھوں نے مزید کہا کہ دفاع وطن کے مقدس فریضے کو ذاتی خوشیوں پر مقدم رکھنا پاک بحریہ کی روایت رہی ہے۔ پاک بحریہ ہرقسم کے حالات میں ملکی سمندری سرحدوں کی حفاظت اور دفاع کے لئے ہمہ وقت تیار ہے-
