فرمان الہی
نماز کے اوقات
شکار پور پولیس نے شاہ بیلو اور انب جتوئی کے علاقوں میں 2دن کے وقفے کے بعد ڈاکوئوں کے خلاف آپریشن شروع کردیا۔
پولیس کے مطابق عید الفطر کے 2دن کے بعد آج پھر ڈاکوئوں کے خلاف کچے کے علاقے میں آپریشن کیا گیا۔
ڈی آئی جی لاڑکانہ کے مطابق پولیس نے ماسٹر مائنڈ ڈاکو منیر نصیرانی اور اس کے گینگ کے 12سے زائد ٹھکانوں کو آگ لگا دی۔
پولیس نے آپریشن کے دوران متعدد مشتبہ افراد کو حراست میں لے کر تفتیش کے لئے نامعلوم مقام پر منتقل کردیا ہے۔
ذرائع کے مطابق سرچ آپریشن پولیس اہلکاروں کو شہید اور زخمی کرنے والے ڈاکوؤں کے خلاف کیا جا رہا ہے۔
3 جون کو پولیس نے کچے کے علاقے میں ڈاکوؤں کے خلاف آپریشن کیا تو اس موقع پر ڈاکوؤں کے فائرنگ کردی تھی۔
پولیس کی بکتر بند گاڑی میں موجود ایس ایچ او غلام مرتضیٰ میرانی اور اے ایس آئی ذوالفقار علی پنہور ڈاکوؤں کی فائرنگ سے شہید ہوگئے تھے۔
