آپ آف لائن ہیں
جنگ ای پیپر
ہفتہ22؍جمادی الاوّل 1441ھ18؍جنوری 2020ء
Namaz Timing
  • بانی: میرخلیل الرحمٰن
  • گروپ چیئرمین و ایگزیکٹوایڈیٹر: میر جاوید رحمٰن
  • گروپ چیف ایگزیکٹووایڈیٹرانچیف: میر شکیل الرحمٰن
تازہ ترین
آج کا اخبار
کالمز

احسان مانی کا سری لنکن حکام سے رابطہ، فیصلے پر حیرانی

پاکستان کرکٹ بورڈ سری لنکن حکومت کے فیصلے پر حیران ہے۔ پی سی بی چئیرمین احسان مانی نے سری لنکن کرکٹ حکام سے رابطہ کیا ہے۔


ذرائع کا کہنا ہے کہ احسان مانی نے اپنے تحفظات سے سری لنکن بورڈ حکام کو آگاہ کردیا ہے۔ بورڈ نے حیرت کا اظہار کیا ہے کہ کھلاڑیوں کو صدارتی سطح کی سیکورٹی دینے کی یقین دہانی کے باوجود انکار سمجھ سے باہر ہے۔

پی سی بی اس ماہ کے آخر میں اے سی سی کے اجلاس میں معاملہ اٹھائے گا، ذرائع کا کہنا ہے کہ سری لنکا کے وزیر کھیل کا ٹیسٹ بورڈز کے درمیان بات چیت کے سلسلے کے دوران بیان حیران کن تھا۔ سری لنکن بورڈ نے سیکورٹی پر اطمینان کا اظہار کیا تھا۔ سیریز کے دو شیڈولز پر بات چیت کا سلسلہ جاری تھا۔

ذرائع کے مطابق سیریز کا میزبان پاکستان ہے تو اعلان سری لنکا کیسے کر سکتا ہے۔  پی سی بی کی جانب سے سیریز کے حوالے سے باضابطہ لائحہ عمل کا اعلان اگلے ہفتے متوقع ہے۔

پی سی بی نے تجویز دی ہے کہ اکتوبر میں پہلے ون ڈے اور ٹی ٹوئنٹی میچ کرائے جائیں۔ اس سے کھلاڑیوں کا اعتماد بحال کرکے دسمبر میں دو ٹیسٹ کرائے جائیں ۔ پاکستان یہ سیریز نیوٹرل ملک میں کرانے کو تیار نہیں ہے۔

کھیلوں کی خبریں سے مزید