فرمان الہی
نماز کے اوقات
کراچی میں مسلسل تیسرے روز بھی ہیٹ ویو کے باعث گرمی کی شدت میں اضافہ ہوگیا ہے، طبی ماہرین نے شہریوں کو غیر ضروری طور پر گھر سے نہ نکلنے کا مشورہ دیا ہے۔
محکمہ موسمیات کے مطابق معتدل ہیٹ ویو کراچی میں شدید گرمی کا باعث بن رہا ہے اور آج بھی پارہ 40 ڈگری کو چھو سکتا ہے۔
کراچی میں ہیٹ ویو کے باعث درجہ حرارت میں مسلسل اضافہ ہورہا ہے، صورتحال کے پیش نظر طبی ماہرین نے شہریوں کو سخت احتیاط کا مشورہ دیا ہے۔
ڈاکٹرز کا کہنا ہے کہ شہری غیر ضروری طور پر گھر سے باہر نہ نکلیں، پانی کا استعمال زیادہ کریں کیونکہ گرم موسم میں پسینہ زیادہ آنے سے جسم میں نمکیات کی کمی ہو جاتی ہےجس کے باعث ہیٹ اسٹروک کا خطرہ بڑھ جاتا ہے۔
ماہرین کا کہنا ہے کہ اس گرم موسم میں شہری لو سے بچنے کی ہر ممکن کوشش کریں اور زیادہ سے زیادہ پانی اور ٹھنڈے مشروبات کا استعمال کریں۔
ہیٹ اسٹروک سے بچاؤ کے لیے مزدور طبقہ کام کے وقت سر پر گیلا کپڑا لازمی رکھے۔
