• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

پشاور‘ جرائم پیشہ کیخلاف کارروائی ‘ 19اشتہاریوں سمیت 38گرفتار

میرا شہر
پشاور
27 ستمبر ، 2019
پشاور(کرائم رپورٹر)صوبائی دارالحکومت پشاور میں جرائم پیشہ افراد اور منشیات فروشوں کیخلاف جاری خصوصی کریک ڈاون کے دوران 19اشتہاریوں سمیت 38افراد کو گرفتار کر لیا گیا ہے، گرفتار افراد کے قبضے سے مجموعی طور پر5عدد کلاشنکوف،5عدد رائفل ، تین عدد پستول، 30کلو گرام چرس اور ہزاروں روپے مالیت کی آئس برآمد کر لی گئی ہے۔ اسی طرح تھانہ متھرا کی حدود میں انچارج پولیس چوکی جبہ مسجد نے منشیات فروش سید غفور ولد سیار خان سکنہ باڑہ ملک دین خیل حال پجگی کو گرفتار کرکے اس کے قبضہ سے دھندہ رقم اور 2کلو گرام اعلی کوالٹی چرس برآمد کی ہے، اسی طرح تھانہ بھانہ ماڑی، تھانہ کوتوالی، تھانہ گلبہار، تھانہ ناصرباغ، تھا نہ داودزئی، تھانہ پہاڑی پورہ، تھانہ حیات آباد، تھانہ ریگی اور تھانہ چمکنی پولیس نے بھی مختلف کاروائیوں کے دوران سنگین مقدمات میں مطلوب 12اشتہاری ملزمان سمیت 24افراد کو گرفتار کرکے ان کے قبضے سے مجموعی طوردوعددرائفل، 15کلو گرام چرس اور ہزاروں روپے مالیت کی آئس بھی برآمد کی ہے، گرفتار ملزمان کے خلاف مقدمات درج کرکے مزید تفتیش جاری ہے۔
تازہ ترین