فرمان الہی
نماز کے اوقات
وزیراعظم عمران خان کا اقوام متحدہ کی جنرل اسمبلی میں خطاب لاہور کے لبرٹی چوک میں بڑی اسکرین پر براہ راست دکھایا گیا، جسے شہریوں کی بڑی تعداد نے بڑی توجہ سے سنا۔
شہریوں کا کہنا تھا کہ وزیر اعظم نے عالم اسلام، پاکستان اور کشمیر کا مقدمہ پوری قوت سے دنیا کے سامنے پیش کیا ہے۔
یہ بھی پڑھیے: وزیراعظم نے عالمی برادری کو خبردار کردیا
پنجاب ہارٹی کلچر اتھارٹی نے لبرٹی چوک میں وزیر اعظم کا خطاب بڑی اسکرین پر دکھانے کےلیے خصوصی انتظامات کیے تھے۔
شہریوں نے جامع خطاب پر وزیراعظم عمران خان کو بھرپور انداز میں خراج تحسین پیش کیا۔
وزیر اعظم کا خطاب سننے کیلئے پی ٹی آئی پنجاب کے صدر اعجاز اوردیگر کارکن بھی موجود تھے۔
ان کا کہنا تھا کہ وزیر اعظم نے اپنے پرجوش خطاب میں امت مسلمہ کے جذبات کی عکاسی کی ہے۔
