آپ آف لائن ہیں
جنگ ای پیپر
منگل25؍جمادی الاوّل 1441ھ 21؍جنوری 2020ء
Namaz Timing
  • بانی: میرخلیل الرحمٰن
  • گروپ چیئرمین و ایگزیکٹوایڈیٹر: میر جاوید رحمٰن
  • گروپ چیف ایگزیکٹووایڈیٹرانچیف: میر شکیل الرحمٰن
تازہ ترین
آج کا اخبار
کالمز

ترقیاتی فنڈز تمام صوبوں نے ہی کم خرچ کیے، وزارت خزانہ

ترقیاتی فنڈز تمام صوبوں نے ہی کم خرچ کیے، وزارت خزانہ


رواں مالی سال کے ابتدائی 4 ماہ میں چاروں صوبوں نے 202 ارب روپے کے ترقیاتی فنڈز کم خرچ کیے ہیں۔

رپورٹ کے مطابق معاشی اشاریے مثبت ہیں لیکن معیشت سست روی کا شکار ہے، جسے یوں بھی کہا جاسکتا ہے کہ ’حرکت تیز تر ہے اور سفر آہستہ آہستہ‘۔

وزارت خزانہ کی ویب سائٹ کے مطابق ترقیاتی فنڈز کم خرچ ہونے سے صوبوں اور مرکز کے اکاؤنٹ سرپلس میں گئے ہیں۔

وزارت خزانہ نے کہا کہ اکاؤنٹس سرپلس ہونے سے پاکستان کے معاشی اشاریے مثبت رہے، لیکن معیشت سست روی کا شکار رہی۔

وزارت خزانہ کے مطابق پنجاب کے 366 ارب روپے کے ریونیو میں سے 75 ارب 40 کروڑ روپے سرپلس رہے جبکہ سندھ میں 199 ارب روپے کے ریونیو میں سے 35 ارب 50 کروڑ سرپلس رہے۔

وزارت خزانہ کے مطابق خیبرپختونخوا کے 141 ارب کے ریونیو میں 54 ارب روپے سرپلس رہے اور بلوچستان کے 86 ارب روپے ریونیو میں سے 37 ارب روپے خرچ نہیں کیے گئے۔

گزشتہ دنوں تقریب سے خطاب میں وزیراعظم عمران خان نے کہا تھا کہ روپے کی قدر مستحکم ہوگئی، ملک میں استحکام آرہا ہے، 4 سال میں پہلی بار کرنٹ اکاؤنٹ سرپلس میں چلا گیا ہے۔

تجارتی خبریں سے مزید