’ بیوٹی بلینڈر‘ آپکی جان لے سکتا ہے

09 دسمبر ، 2019

فاؤنڈیشن یا اسٹک کو چہرے کی جلد پر ہموار کرنے کے لیے استعمال ہونے والا میک اپ کا اہم حصہ ’بیوٹی بلینڈر‘ پر ہونے والی ایک سائنسی تحقیق میں انکشاف ہوا ہے کہ اس کا استعمال آہستہ آہستہ آپکی جان لے رہا ہے ۔

ماہرین جلد کے مطابق ہر دوسری خاتون کا روٹین میک اپ کا حصہ بیوٹی بلینڈرز، مسکارا اور لپ اسٹکس پر ہزاروں بیکٹیریا موجود ہوتے ہیں جو صحت اور جلد کے لیے نہایت مضر ہیں جبکہ آپ کا پسندیدہ میک اپ برانڈ جسے آپ جلد کے لیے محفوظ سمجھتی ہیں وہ بھی ان کا حصہ ہیں.

جرنل آف اپلائیڈمائیکرو بیالوجی میں شائع ایک تحقیق کے مطابق میک اپ میں استعمال کیے جانے والے برش، بیوٹی بلینڈرز، مسکارا، لپ اسٹک اور دیگر اشیا میں جان لیوا بیکٹیریاز پائے جاتے ہیں جس کی وجہ ان کی مناسب صفائی نہ کرنا اور ان کی مدت میعاد گزرجانے کے بعد بھی ان کا استعمال جاری رکھنا ہے ۔

امریکی آسٹن یونیورسٹی کے ماہرین کا کہنا ہے کہ ’جن افراد کی قوتِ مدافعت کمزور ہوتی ہے اُن میں بیوٹی پروڈکٹس سے پھیلنے والی بیماریاں جلدی حملہ آور ہوتی ہیں، اسکن انفیکشن کی صورت میں یہ مسئلہ سنگین نوعیت اختیار کر سکتاہے ۔‘

ماہرین کا کہنا ہے کہ میک اپ میں استعمال ہونے والی ان آلودہ اشیا سے آسانی سے اسکن انفیکشن ہو سکتا ہے، خاص طور پر بیوٹی بلینڈر کے ذریعے آنکھوں، ہونٹوں اور چوٹ کے قریب استعمال کیےجانے والی بیوٹی پروڈکس، بیوٹی بلینڈر اور برشز کے ذریعے خون میں زہر بھی پھیل سکتا ہے، میک اپ کے دوران 64 فیصد خواتین اپنے میک اپ برشز اور بیوٹی بلینڈر نیچے گرا لیتی ہیں جن میں دیگر بیکٹیریا بھی شامل ہو جاتے ہیں، جبکہ 93 فیصد خواتین انہیں صاف یا دھوئے بغیر ہی استعمال کر تی رہتی ہیں۔

تحقیق میں شامل محقق امبرین بشیر کا کہنا ہے کہ سب سے خطر ناک بیکٹیریا ’ ای کولی ‘ ہے جو چہرے کی جلد پر موجود آلودگی سے پھیلتا ہے اور بیوٹی اشیا میں افزائش پاتا ہے۔

ان بیکٹیریا سے بچاؤ کا طریقہ کیا ہے ؟

عموماً فاؤنڈیشن لگانے سے پہلے خواتین اپنے اسپنج یا بیوٹی بلینڈرز کو گیلا کر کے استعمال کرتی ہیں، ایسے میں انہیں دوسری بار استعمال کے لیے مکمل طور پر دھو کر سکھایا جائے یا پھینک دیا جائے۔

میک اپ اشیا کو کمرے میں ہوادار اور خشک جگہ پر رکھا جائے۔

میک اپ اشیا کی میعاد ختم ہوتےہی انہیں پھینک دیں اور نئی اشیا کا استعمال کریں۔

تازہ ترین