نیوزی لینڈ میں کرکٹ سرگرمیاں معطل

کورونا وائرس کے خدشے کے پیشِ نظر آسٹریلین کرکٹ ٹیم نے بھی ٹی ٹوئنٹی سیریز کے لیے دورۂ نیوزی لینڈ ملتوی کر دیا، نیوزی لینڈ کرکٹ بورڈ نے بھی تمام سرگرمیاں معطل کر دی ہیں۔

نیوزی لینڈ کرکٹ بورڈ کے مطابق کمیونٹی کرکٹ کو ملتوی کرنے کا فیصلہ کیا گیا ہے، جس کے بعد کلب اور اسکول کرکٹ کے علاوہ کرکٹ پروگرامز اور ٹریننگ بھی روک دی گئی ہے۔

دوسری جانب آسٹریلیا کرکٹ ٹیم نے بھی ٹی ٹوئنٹی سیریز کے لیے اپنا دورۂ نیوزی لینڈ ملتوی کیا ہے۔

واضح رہے کہ نیوزی لینڈ کرکٹ ٹیم کو گزشتہ ہفتے دورۂ آسٹریلیا ادھورا چھوڑ کر وطن واپس آنا پڑا تھا۔