آپ آف لائن ہیں
ہفتہ2؍جمادی الثانی 1442ھ 16؍جنوری 2021ء
  • بانی: میرخلیل الرحمٰن
  • گروپ چیئرمین و ایگزیکٹوایڈیٹر: میر جاوید رحمٰن
  • گروپ چیف ایگزیکٹووایڈیٹرانچیف: میر شکیل الرحمٰن
Jang Group

شادی کی سالگرہ پر فیروز خان کا اہلیہ کیلئے پیغام

حال ہی میں شوبز انڈسٹری سے کنارہ کشی اختیار کرنے والے فیروز خان نے شادی کی سالگرہ کے موقع پر اہلیہ علیزے کے لیے ایک خوبصورت پیغام شیئر کیا ہے۔

سماجی رابطے کی ویب سائٹ انسٹاگرام پر فیروز خان نے اہلیہ کے ہمراہ ہنستے مسکراتے لی گئی ایک تصویر شیئر کی اور ساتھ ہی پیار بھرا پیغام بھی لکھا۔


انہوں نے شادی کی سالگرہ پر شیئر کئے گئے پیغام میں اہلیہ کو ٹیگ کرتے ہوئے لکھا کہ ’تم صبح کی طرح روشن ہو اور آج کی طرح مضبوط ہو۔‘

واضح رہے کہ مارچ 2018 میں شادی کے بندھن میں بندھنے والے فیروز اور علیزے کی شادی کو 2 سال کا عرصہ گزر گیا، جوڑے نے گزشتہ روز اپنی شادی کی سالگرہ منائی۔

فیروز خان کے ہاں گزشتہ برس مئی میں ننھے مہمان کی آمد ہوئی جس کا نام سلطان فیروز خان ہے۔

فیروز خان پاکستانی فلم ’زندگی کتنی حسین ہے‘ میں اداکاری کر چکے ہیں جبکہ ڈرامہ انڈسٹری میں بھی فیروز خان’ خانی‘ اور’ رومیو ویڈز ہیر‘ جیسے معروف ڈراموں میں اپنی اداکاری کے جوہر دکھا رہے ہیں۔

دوسری جانب علیزے کا تعلق شوبز انڈسٹری سے نہیں ہے۔

انٹرٹینمنٹ سے مزید