بھارت:کورونا سے بچاؤ کیلئے ملیریا کی دوا کھانے والا ڈاکٹر جاں بحق

بھارتی ریاست آسام میں کورونا وائرس سے بچاؤ کے لیے ملیریا کی دوا کھانے والا ڈاکٹر دل کا دورہ پڑنے سے انتقال کرگیا۔

بھارتی میڈیا کے مطابق  بھارتی ریاست آسام میں ڈاکٹر نے کورونا سے بچاؤ کے لیے ملیریا کی دوا کھائی جس کے بعد طبیعت بگڑنے پر مقامی اسپتال منتقل کیا گیا تاہم وہ راستے میں دم توڑ گئے۔

44 سالہ ڈاکٹر اپلجیت برمن سینئر اینستھیسٹسٹ تھے، اپلجیت نے کوروناسے بچاؤ کے لیے احتیاط کے طور پر اپنی ذمہ داری پر ملیریا کی دوا کا استعمال کیا تھا۔

امریکا: کورونا سے ایک اور پاکستانی کا انتقال

امریکا کی ریاست نیویارک میں کورونا وائرس سے ایک اور پاکستانی شخص کا انتقال ہوگیا ہے، پاکستان سے تعلق رکھنے والے 1 ڈاکٹر اور 1 بلڈر بھی وائرس سے متاثر ہوئے ہیں۔

 رپورٹ کے مطابق ابھی تک یہ تصدیق نہیں ہوسکی ہے کہ آیا ملیریا کی دوا کھانے کے بعد انہیں دل کا دورہ پڑا ہے تاہم دوائی کھانے کے بعد اپلجیت نے اپنے دوست کو واٹس ایپ میسج میں دوائی کے استعمال کے بعد طبیعت بگڑنے کا کہا تھا۔

واضح رہے کہ بھارت میں کورونا وائرس کے مریضوں کی تعداد 117 ہوگئی ہے جبکہ وائرس سے ہلاکتوں کی تعداد 32 ہوگئی ہے۔